POLO CHAN TVG: RAMPA DA VINGANZA

"Polo Chan" pasa a emitirse en horario de mañá desde este sábado

23/09/2011

A partir das 10.00h, o programa inicia esta fin de semana unha nova tempada con 12 valentes procedentes do concello de Cea

Santiago, 23.09.2011.- O divertido concurso da TVG “Polo Chan”, unha competición en que concellos de toda Galicia se enfrontan a unha serie de retos de alto risco, pasa a emitirse desde este sábado ás 10.00 horas. O cambio de horario coincide esta fin de semana coa entrada en acción de doce valentes concursantes representantes do concello de Cea. Presentado nas distintas facetas do programa por Rafa Durán e Javier Varela, o novo equipo aterra con esperanza e determinación, pero polo camiño irá deixando sangue, suor e sorrisos.

Sobre un escenario ao aire libre convertido nun auténtico parque temático, de 18.000 metros cadrados invadidos con 300.000 litros de auga e camións de madeira, os concursantes de Cea terán que lidar con probas arriscadas, entre elas vencer os temibles coellos, decididos a cociñar empanada de coello e prometendo emoción ata o último segundo.

"Polo Chan" inicia con Cea unha nova tempada que terá continuidade os sábados próximos cos representantes dos concellos de Avión, A Capela, Nogueira, Petín, Boimorto, A Peroxa, Santiso, Portas, Manzaneda, Rodeiro, Pobra do Brollón e Barreiros.

--averigua a emisión do teu programa escribindo a: -emisions.tvg@crtvg.es. ou -allea@crtvg.es

RAMPA DA VINGANZA - 6ª PROBA